Wednesday, November 26, 2008

రాధాకృష్ణం

కళ్ళలో నీవు ఉంటే...
చీకటే లేదుగా...

శ్వాసగా నీవు ఉంటే...
మరణమే రాదుగా...

రూపమే వేరు అయినా...
మనసు ఒకటే కదా...

మనసులో ప్రేమ ఉంటే...
ద్వేషమే లేదుగా...

ప్రేమలో కరిగిపోదాం....
సత్వరం ఒక్కటౌదాం ...

ఏకమయినా మనసులోని...
ఎత్తునే చాటుదాం...

గాలిలో ఏకమవుదాం...
తనువులే విడిచి పోదాం...

ప్రకృతి పురుషులవుదాం...
పృద్విలో కరిగిపోదాం...

దేవునీ రూపమంటూ...
ప్రేమనే చాటుకుందాం...

ప్రేమలో ఇంకిపోతూ ...
లోకమే వీడిపోదాం...

4 comments:

సుజాత November 27, 2008 at 1:14 PM  

బాగుంది గీతాచార్యా! ఈ మధ్య ఒక యువ కవి (అనంత కృష్ణ శర్మ అనుకుంటా పేరు)అద్భుతమైన సినీ గీతాలు రాస్తున్నాడు. అతడు గుర్తొస్తున్నాడు.

పరిమళం November 28, 2008 at 4:41 PM  

గీతాచార్య గారూ ! మీ రాధాకృష్ణం సమ్మోహనకరం.ఈ కవితకు రాధాకృష్ణం అన్న పేరు సార్ధకం .మరి రాధకు మాధవుడేగా ఆశ ......శ్వాస ......

మధుర వాణి December 17, 2008 at 6:38 PM  

గీతాచార్య గారూ..
ఇది మీరు రాసిన కవితనుకుంటా కదా.. చాలా బావుందండీ..!
మీరు "కొంచెం ఈ ఫ్లాప్ సాంగ్ ని పరిచయం చేద్దురూ" అని అంటే.. నిజంగా ఏదో పాట అనుకున్నాను. ఎప్పుడూ వినలేదే.. అని ఆలోచిస్తున్నాను.
అయితే మీరు జోక్ చేసారన్నమాట :)

@ సుజాత గారూ,
మీరు చెప్పింది అనంత శ్రీరామ్ రాసే పాటల గురించేనా?

ఉష July 30, 2009 at 9:25 AM  

గీతాచార్య, నా ప్రేమ కావ్యాలన్నిటిని సారాంశం చెప్పమంటే ఈ కవితనే చూపిస్తాను. ఇంకేముంది కదా చెప్పటానికి ప్రేమటే ఏమిటో - "ప్రకృతి పురుషులవుదాం." కన్నా? ఈ భావనే ప్రేమ నా వరకు.

Whatz the deal?

I gets the wrong idea only when it suits me - Man with NoName

సత్యమేవ జయతే!

సత్యమేవ జయతే నానృతం
సత్యేన పాన్థా వితతో దేవయానః
యేన క్రమాన్త్యా ఋషయోహ్యాప్త కామః
యాతాః తత్ సత్యస్య పరమం నిధానం

సత్యమే జయిస్తుంది. అసత్యం కాదు. సత్యం ద్వారానే దైవ మార్గం ఏదో మనకు తెలుస్తుంది. ఆ దారినే నడిచి ఋషులు తమ అభీష్టాలని నెరవేర్చుకున్నారు. చివరకి ముక్తిని పొందగలిగారు.

  © Blogger templates ProBlogger Template by Ourblogtemplates.com 2008

Back to TOP